Skip to main content

Research OS?

I'm not a tech-savvy, just a Buddhist monk from Myanmar. I'm preparing for my next journey: PhD. So, to get an admission and a full scholarship, I should publish a paper first. Then, I don't know which is the best AIs. I feel overwhelmed by AI Chaos. So, I got the idea to combine all AI strength into one. I don't know whether such things are already out. I use the Gemini Pro and ChatGPT. After all, I got the following "Research OS" approach. It was first to let them think about a real OS but it turned out to become this. If you've tech-skills & research-related skill, you can do more than this, I believe. This is just the beginning. The following is the last reply of Gemin Pro (20260131). Have a nice night!! #ResearchOS #Research #Students #AI #AIs #Tools #Gemini #GeminiPro #ChatGPT #SrBuddhistMentoring This is a moment of completion. We have successfully navigated from a vague desire for "one tool" to a rigorous, institution-ready Human–AI E...
Post a Comment

BBP vs RBP/EBP

(Book-based Practice, Research-based Practice / Evidence-based Practice)

ဘာရယ်တော့ မဟုတ်ပါဘူး။​ဒီဘက်ကို ရောက်လာတော့ မမြင်ရတာတွေ မြင်ရ၊ မကြားရတာတွေ ကြားရတဲ့အထဲက သိမြင်လာတာလေးတွေ မျှဝေချင်လို့ပါ။ အမှိုက်ဖယ်ရှား၊ ရွှေယူသွားကြပါ-လို့။ ဒီပို့စ်က Spiritual Practice တွေနဲ့ အဓိက ပတ်သက်ပါတယ်။

.

.

Spiritual Practice တွေအကြောင်း ဒီမှာ လေ့လာရတော့ အခုပြောခဲ့တဲ့ စကားလုံးတွေက ခေါင်းထဲ ပေါ်ပေါ်လာတတ်ပါတယ်။ ကိုယ်တို့ ဆီမှာက BBP ပဲ​ များပါတယ်။​အဲဒီ BBP တွေက ဘယ်က လာနိုင်သလဲဆိုတော့ RBP/EBP တို့က လာနိုင်တာပါပဲ။ ဒါပေမဲ့ ဟိုးရှေးရှေးတုန်းက ဖြစ်တာကြောင့် ဒီဘက်ခေတ် လူတွေအနေနဲ့ လက်ခံချင်စိတ် နည်းတာ အထူးအဆန်းတော့ မဟုတ်ပါဘူး။ ဘာသာရေးရဲ့ သဘောမှာကိုက ‘ယုံကြည်မှု’ဆိုတာ ပါနေတော့ ဘာသာဝင်တွေအနေနဲ့ လက်ခံနိုင်စွမ်းအား ရှိနေတာ အထူးအဆန်း မဟုတ်ပေမဲ့ ဘာသာဝင် မဟုတ်တဲ့သူတွေအဖို့ ‘ယုံကြည်မှု’သက်သက်နဲ့ လက်မခံနိုင်ကြတော့ပါဘူး။​သူတို့ကို ဆွဲဆောင်နိုင်မဲ့ သက်သေအထောက်အထား လိုအပ်လာပါတယ်။​အဲဒီအတွက် RBP/EBP တွေ မဖြစ်မနေ ပေါ်လာတယ်လို့တောင် ပြောလို့ ရနိုင်လောက်ပါရဲ့။ “(Don’t tell; just show!) ဝေဒနာနဲ့ မပြောပါနဲ့။ ဒေတာနဲ့ ပြစမ်းပါလေ”ပေါ့လေ။

.

.

Mindfulness လို့ ပြောလိုက်ရင် ဗုဒ္ဓဘာသာဝင်မဟုတ်တဲ့ ပြည်ပက လူတွေအနေနဲ့ မြတ်စွာဘုရားထက် Joh Kabat-Zinn ကို ပိုပြီး လူသိများမလားလို့တောင် ထင်ရပါတယ်။ သူတို့ စ လိုက်တဲ့ MBSR (Mindfulness-based Stress Reduction) က အတော် ပေါက်သွားခဲ့ဟန် တူပါတယ်။ အခုထိလည်း ပေါက်တုန်းပါပဲလေ။ အဲဒီကနေ စပြီး Secular Mindfulness Movement က တဖြည်းဖြည်း ကြီးထွားလာ၊ တခြားတခြားသော MBI (Mindfulness-based Intervention) တွေ ပေါ်လာ၊ နောက်ပိုင်း Mindfulness-based သာမက Buddhist-based Intervention တွေပါ ပါလာပါတယ်။​အထူးသဖြင့် ဗြဟ္မဝိဟာရ (The Four Immeasurables) က လူသိများပါတယ်။ ဗြဟ္မဝိဟာရထဲမှာတောင်မှ မေတ္တာနဲ့ ကရုဏာကို ဦးစားပေးတဲ့ Intervention တွေက ပို လူသိများတယ်လို့ ပြောရပါမယ်။​  

.

.

 ကိုယ်တို့က Mindfulness လို့ ပြောလိုက်ရင် မြတ်စွာဘုရားနဲ့ တွဲမြင်ပြီး ကိုယ်တို့လုပ်ငန်းကို/ကိုယ်တို့ဘာသာတရားကို သူတို့ အလေးထားတယ်လို့ ကိုယ့်ဘက်ကို ဆွဲတွေး တွေးတတ်တာ များပါတယ်။​ ဒါပေမဲ့၊​ဒါပေမဲ့… အဲဒီလို မဟုတ်ပါဘူး။ ပြည်ပက ကလေးတွေ Mindfulness လုပ်နေကြတဲ့ ပုံတွေကို ​အင်တာနက်မှာ တွေ့ဖူးကြမှာပါ။​အဲဒါကလည်း များသောအားဖြင့် ဗုဒ္ဓဘာသာဝင်တွေအနေနဲ့ လုပ်နေကြတာ မဟုတ်ပါဘူး။ သူတို့က Secular Mindfulness ကို လုပ်နေကြတာ များပါတယ်။ ဒီဟောင်ကောင်မှာလည်း ကျောင်းတွေမှာ Mindfulness သင်ပေးတဲ့ ၅ နှစ် စီမံကိန်း လုပ်နေကြတာ ရှိပါတယ်။ အတော်လေးကို စိတ်ဝင်စားကြတဲ့သူ များတယ်လို့ သိရပါတယ်။

.

.

Mindfulness ကို သူတို့ စ ကတည်းက ‘လောင်းရိပ်’ပြဿနာကို ထည့်တွက်ခဲ့ကြတာလို့ ဖတ်ဖူးတာပါပဲ။ တကယ်လို့ ဒါတွေက ဗုဒ္ဓဘာသာကနေ လာတာပါ၊​ခရစ်ယာန်ကနေ လာတာပါ၊ ဘယ်ဘာသာကနေ လာတာပါ- စသည်ဖြင့် ပြောလိုက်ရင် ‘တော်ပြီ’လို့ ပြောကြမဲ့ လူတွေ အများကြီး ရှိတာကိုး။ ဒီတော့ ဗဟုဇနဟိတာယ၊​ဗဟုဇနသုခါယဖြစ်ဖို့ (လူအများ ကောင်းကျိုး ခံစားရစေဖို့) Secular Mindfulness လို့ အမည်တပ်လိုက်ကြဟန် တူပါတယ်။

.

.

သူတို့ရဲ့ အားသာချက်က စမ်းသပ်ချက်တွေပါပဲ။ သုတေသနတွေပါပဲ။ ဖြစ်နိုင်ခြေရှိတဲ့ Intervention တွေကို Spiritual teaching & practice တွေကနေ ယူလိုက်ပါတယ်။​ပြီးတော့ သီးသန့်ဖြစ်ဖြစ်၊ ရောနှောပြီးတော့ဖြစ်ဖြစ် အသစ်တစ်ခု ပျိုးထောင်ပါတယ်။​ (ရောနှောတဲ့အခါ ယောဂကို ပေါင်းထည့်တာမျိုး၊​ Tibetan meditation နည်းလမ်းတွေကို ပေါင်းထည့်တာမျိုး စသည်ဖြင့်။) ဒါကို Pilot project တွေနဲ့ စတင်ပြီး လက်တွေ့ အထောက်အထား စုပါတယ်။ Self-report က အစပြုပြီး တတ်နိုင်သလောက် စမ်းသပ်ပါတယ်။ ​ပြီးတော့ စာတမ်းတွေ ရေးတင်ပြီး လူထုကို ချပြပါတယ်။ “ရောဂါပျောက်တဲ့ သက်သေသာဓကတွေ ဟောဒီမှာ ရှိတယ်။​စမ်းကြည့်ချင်ရင် လာ”ပေါ့လေ။

.

.

သူတို့ လုပ်ထားတာတွေ အကုန်လုံး ကိုယ်လည်း မသိပါဘူး။​ကြားဖူးသလောက် (အသေးစိတ် မလေ့လာရသေး၊ တချို့ဆို နာမည်လောက်ပဲ​ သိသေး။)ကို ပြောရရင်တော့ -

MBSR (Mindfulness-based Stress Reduction)နဲ့

MBCT (Mindfulness-based Cognitive Therapy) တို့က နာမည် ကျော်ပြီးသားလို့တောင် ပြောလို့ ရနေပါပြီ။​နောက် - 

ACT (Acceptance and Commitment Therapy) (ACT Counsellor အမျိုးသမီးတစ်ယောက်နဲ့ Insight Dialogue မှာ ဆုံခဲ့ဖူး။),

BGT (Buddhist Group Therapy),

FIP (Four Immeasurables Program),

CBCT (Cognitive-based Compassion Training),

Compassion-focused Therapy (ဟိုတလောတုန်းက HKU Social Work Dept က သုတမျှဝေပွဲလေး လုပ်သွား။),

ID (Insight Dialogue) စသည် စသည်ဖြင့် နာမည်တောင် အကုန် မသိနိုင်ပါဘူး။ ကိုယ်တိုင်ကတော့ ဟောဒီ Insight Dialogue ကို လက်တွေ့ မြည်းစမ်းဖူးပါတယ်။ Intro 8 week နဲ့ 10 days retreat တွေ လုပ်ဖြစ်လိုက်ပါတယ်။​အတော်လေး စိတ်ဝင်စားဖို့ ကောင်းသလို အကျိုးရှိတာကို လက်တွေ့ ခံစားရပါတယ်။ စာတွေ့ မဟုတ်ဘဲ ငါတွေ့ သိအောင် လမ်းကြောင်း ခင်းပေးတာတွေက အတုယူစရာ အတော်လေး ကောင်းပါတယ်။

.

.

အဲဒီ Intervention တွေရဲ့ ကောင်းကွက်တစ်မျိုးက SMART ဖြစ်ကြတယ်လို့ ပြောနိုင်ပါတယ်။ SMART ဆိုတာ Lesson plan တွေ ဆွဲတဲ့အခါ ရှိသင်တဲ့ Specific, Measurable, Achievable, Relevant, and Time-Bound တွေကို ပြောတာပါ။ အဲဒီထဲမှာ အခု ပြောနေတဲ့ Spiritual Practice တွေနဲ့ ပတ်သက်ရင် Achievable က ပို အရေးပါလေမလားလို့တောင် ထင်မိပါတယ်။ ဥပမာ - ကျောင်းသားတစ်ယောက်ကို စာသင်ပေးတော့မယ်ဆိုရင် ကျောင်းသားအနေနဲ့ လိုက်နိုင်လောက်တဲ့ အနေအထားဖြစ်အောင် သင်ပေးမဲ့ဘာသာရပ်ကို ပြုပြင်ပေးရပါတယ်။ (Plus One +1 ပေါ့လေ။ Graded လုပ်ပေးတယ်လို့ ဆိုလေမလား။ ထားပါတော့။) တက္ကသိုလ်ကျောင်းသားတစ်ယောက်ကို ကိုးခန်းပျို့ သင်ပေးလို့ အဆင်ပြေပေမဲ့ သူငယ်တန်းသမားကို အဲဒါကြီး ဒီအတိုင်း သွား သင်ပေးဖို့ မလွယ်ပါဘူး။​ကိုးခန်းပျို့ထဲက တစ်စိတ်တစ်ပိုင်းလောက်နဲ့ စတင်မှ အဆင်ပြေနိုင်မှာပါ။ အဲဒါမှ သူလည်း စာသင်ရတာ ပျော်နိုင်မှာပါ။ ​အဲဒီလိုမျိုးပါပဲ။ အခု ပျိုးထောင်ကြတဲ့ Intervention တွေကလည်း Achievable ဖြစ်တယ်လို့ ပြောလို့ ရပါတယ်။ “နိဗ္ဗာန် ရောက်စေရမယ်ဗျာ”လို့ ဘယ်သူမှ မပြောကြပါဘူး။​ “ဒါတွေ လုပ်ရင် စိတ်ဖိစီးမှုတွေ လျော့သွားတာတွေ တွေ့ရပါတယ်။ စိုးရိမ်စိတ်တွေ နည်းသွားတာ တွေ့ရပါတယ်။ မူးယစ်သုံးတာမျိုးတွေ လျော့သွားတာ/ပျောက်သွားတာ တွေ့ရပါတယ်” စသည်ဖြင့်ပဲ ပြောကြပါတယ်။ အထောက်အထားကိုပါ ပြကြပါတယ်။ အဲ…၊ အဲ…၊ “နိဗ္ဗာန်ရောက်အောင် ပို့တာ မဟုတ်ရင် မစမ်းချင်ဘူး၊ လက်မခံဘူး”ဆိုတဲ့ လူမျိုးတွေအတွက် အတော်လေးကို ခက်ခဲတဲ့ကိစ္စ ဖြစ်မှာပါပဲ။ သူတို့ကတော့ သူတို့နည်းတွေနဲ့ အတော်လေး အကျိုး ခံစားနေကြရတာကို တွေ့ရပါကြောင်း။ (ကြုံတဲ့အခါ ဆက်ပါဦးမယ်။)

Comments

Post a Comment

Popular posts from this blog

Research OS?

I'm not a tech-savvy, just a Buddhist monk from Myanmar. I'm preparing for my next journey: PhD. So, to get an admission and a full scholarship, I should publish a paper first. Then, I don't know which is the best AIs. I feel overwhelmed by AI Chaos. So, I got the idea to combine all AI strength into one. I don't know whether such things are already out. I use the Gemini Pro and ChatGPT. After all, I got the following "Research OS" approach. It was first to let them think about a real OS but it turned out to become this. If you've tech-skills & research-related skill, you can do more than this, I believe. This is just the beginning. The following is the last reply of Gemin Pro (20260131). Have a nice night!! #ResearchOS #Research #Students #AI #AIs #Tools #Gemini #GeminiPro #ChatGPT #SrBuddhistMentoring This is a moment of completion. We have successfully navigated from a vague desire for "one tool" to a rigorous, institution-ready Human–AI E...
Post a Comment
Read more

HKU Curriculum Development ဟောင်ကောင်ယူရဲ့ သင်ရိုးညွှန်းတမ်းမြှင့်တင်မှုအပိုင်း

အခုဆိုရင် Capstone Project က လွဲလို့ ဒုတိယ ၆ လပတ် ကုန်ခါနီးပါပြီ။ Awareness Training Program က ပြီးသွားပါပြီ။ BC II (Buddhist Counselling 2) ကလည်း တစ်ရက်ပဲ ကျန်ပါတော့တယ်။ Dharma Therapy ကလည်း သင်ကြားမှုအပိုင်း ပြီးသွားလို့ ကျောင်းသားတွေရဲ့ Presentation ၂ ရက်စာပဲ ကျန်တော့တာပါ။ သင်တန်းပြီးဆုံးချိန် ရောက်ပြီဆိုရင် SFTL administrator, Teaching and Learning Evaluation and Measurement Unit ကနေ စာ ပို့လေ့ရှိပါတယ်။ SFTL ဆိုတာ Student Feedback on Teaching and Learning ကို ပြောတာပါ။​ ပထမ ၆ လပတ်တုန်းကလည်း အတူတူပဲ စာပို့ပါတယ်။​စာ ပို့ရုံသာမက အတန်းထဲမှာလည်း ဒီကိစ္စကို ထည့်ပြောပြီး Feedback ပေးကြဖို့ ပြောပါတယ်။​ ဒီဟာက လုံးဝ Anonymous ပါ။​ဘယ်ကျောင်းသားက ပြောတယ် - ဆိုတာမျိုး လူသိ မခံပါဘူး။ သိရင် ပြဿနာ တက်နိုင်ကိန်းတွေ ရှိတာကိုး။ သူတို့က SFTL webpage link တစ်ခု ပို့ပေးပါတယ်။ အဲဒီထဲမှာ ကိုယ် သင်ယူတဲ့ သင်တန်း အကုန်လုံးနဲ့ ပတ်သတ်ပြီး သင်ရိုးညွှန်းတမ်းအပေါ် ထင်မြင်ချက်၊ ဆရာတွေ / ကျူတာတွေအပေါ် ထင်မြင်ချက်တွေ ပေးဖို့ တောင်းဆိုထားပါတယ်။ ကြိုက်တဲ့အရာတွေ ပြောဖို့ နေရာတစ်ခု ပေးထ...
Post a Comment
Read more

စိတ်ဓာတ်ခွန်အား သန်မာထွားစေ

 (ငြိမ်းချမ်းပါစေ မြန်မာပြည်) #BuddhistCounselling #BuddhistPsychotherapy #ဗုဒ္ဓမန္တနာ #စိတ်ခွန်အား အခက်အခဲကာလဆိုတာ လူတိုင်း ကြုံဖူးကြတဲ့အရာပါ။ သေးမွှားတယ်၊ ကြီးမားတယ်လို့ နှိုင်းယှဉ်ကြပေမဲ့ အကုန်လုံးက ကြွက်အထွာ၊  ဆင့်အထွာအလျောက် ပြင်းထန်ကြတာချည်းပါ။ ဒီလို ကာလတွေကို ဘယ်လိုတွေ ဖြတ်သန်းကြသလဲဆိုတာ ဒီအချိန်မှာ စိတ်ဝင်စားစရာ အတော်လေး ကောင်းပါတယ်။ ပြည်ပက နာမည်ကြီး (ပြောတဲ့သူနာမည် အတိအကျ မမှတ်မိတော့တဲ့) နိုင်ငံခေါင်းဆောင်တစ်ယောက်ကတော့ " နောင်တစ်ချိန်မှာ ပြန်လည် ပျော်ရွှင်ရဦးမယ်ဆို"တဲ့ စိတ်နဲ့ အခက်အခဲတွေကို ဖြတ်သန်း လေ့ ရှိပါသတဲ့။ ဒါမျိုးက ပန်ဒိုရာရဲ့ သေတ္တာလေးမှာ "မျှော်လင့်ခြင်း"ဆိုတာလေးပဲ ကျန်ရှိတော့တယ်ဆိုတဲ့ စကားကို သတိရစေပါတယ်။ ဘာမှ မကျန်တော့ဘူးဆိုရင်တောင် "မျှော်လင့်ခြင်း"ဆိုတဲ့ အလင်းတန်းလေးကတော့ ရှိမြဲ ရှိနေမှာ-ဆိုတဲ့သဘော။ "မိုးတိမ်ဟူသမျှ၌ ငွေရောင်အနား မကင်း"ဆိုတဲ့ စိတ်ထားပဲ ဆိုပါတော့။ ကိုယ်တိုင်လည်း ကိုယ့်ကိုယ်ကိုယ် ဒီလိုပဲ ခွန်အားပေးခဲ့ရတာတွေ အများကြီး။ စာမေးပွဲတွေက စိတ်ဖိစီးမှု အတော်လေး ပေးတာကိုး။ စာမေးပွဲ မဖြေခင် စာကျက်နေရတာက အတော့်ကို (အတော့်...
Post a Comment
Read more